Benjamin Vogt

Benjamin Vogt
Fødd	16. mai 1863 Kristiansand kommune
Død	1. januar 1947 (83 år)
Statsborgar av	Noreg
Parti	Høgre
Yrke	politikar, advokat, redaktør
Utdanna ved	Oslo katedralskole
Far	Niels Petersen Vogt
Barn	Leiken Schjelderup
Alle verv	vararepresentant til Stortinget (1900–1903) Norsk handelsminister (1904–1905) Norges revisjonsminister (1904–1905) medlem av statsrådsavdelingen i Stockholm (1903–1904) generalsekretær (Høgre, 1892–1897)

Paul Benjamin Vogt (16. mai 1863–1. januar 1947) var ein norsk advokat, diplomat og Høgre-politikar, fødd i Kristiansand. Nils Vogt var far hans.

Vogt vart student frå Kristiania katedralskole i 1880 og cand. jur. i 1885. Åra 1886-92 var han redaktør av Christiansands Tidende og 1892-97 generalsekretær i Det konservative centralstyre (Høgre). 1898-1900 var han redaksjonssekretær i Morgenbladet, medan han 1901-03 var overrettssakførar i Kristiania.

Vogt var statsråd i Francis Hagerups koalisjonsregjering frå 1903, fyrst som medlem av statsrådsavdelinga i Stockholm deretter sjef for Handelsdepartementet. Vogt fungerte for Michelsen-regjeringa som ein slags sendemann i Stockholm sommaren 1905, dette for å sondere dei svenske vilkåra for å godta ei unionsoppløysing. Han var ein av dei fire norske delegatane ved forhandlingane i Karlstad i september 1905.

Frå 1906 til -10 var Vogt Noregs sendemann i Stockholm. Sidan 1910 var han i tilsvarande stilling i London. Denne posisjonen hadde han til 1934.

Han døydde i Oslo i 1947.